തിരുവനന്തപുരം: സംസ്ഥാന മദ്യ വർജ്ജന സമിതിയുടെ യുവജന സമിതി ആയ ഫ്രീഡം ഫിഫ്റ്റിയുടെ നേതൃത്വത്തിൽ കേരളപിറവി ദിനാഘോഷവും ഗാന്ധി പ്രതിമയുടെ അനാഛാദനവും നടക്കും.
ഫ്രീഡം ഫിഫ്റ്റി ചെയർമാനും മുരുക്കും പുഴ സെന്റ് അഗസ്റ്റിൻസ് ഹൈസ്കൂൾ പൂർവ വിദ്യാർത്ഥിയും ആയ റസൽ സബർമതി സ്കൂളിൽ നിർമ്മിച്ചു നൽകുന്ന ഗാന്ധി പ്രതിമയുടെ ഉത്ഘാടനം നവംബർ 1(ബുധൻ )രാവിലെ 10മണിക്ക് വിജിലൻസ് എസ്.പി.മുഹമ്മദ് ഷാഫി നിർവഹിക്കും. സിനിമ താരം എം. ആർ. ഗോപകുമാർ മുഖ്യ അതിഥി ആയിരിക്കും. പ്രമുഖ ഗാന്ധിയൻ മുരുക്കുംപുഴ സി.രാജേന്ദ്രൻ മുഖ്യ പ്രഭാഷണംനടത്തും.
ഫ്രീഡം ഫിഫ്റ്റി ചെയർമാൻ റസൽ സബർമതി സ്വാഗതവും സ്റ്റാഫ്‌ സെക്രട്ടറി ദീപ കൃഷ്ണൻ നന്ദി യും പറയും. യോഗത്തിൽ സ്കൂൾ പി. ടി എ.പ്രസിഡന്റ് ഇടവിളാകം ഷംനാദ് അധ്യക്ഷനാകും. സ്കൂൾ ഹെഡ്മാസ്റ്റർ ജി.അനിൽ കുമാർ അമുഖ പ്രഭാഷണം നടത്തും. യോഗത്തിൽ ആശംസകൾ നേർന്നു കൊണ്ട് വാർഡ് മെമ്പർ മീന അനിൽ കുമാർ, സ്കൂൾ മാനേജർ അഡോൾഫ് കൈയ്യാലകൽ, സീനിയർ അസിസ്റ്റന്റ് സജി. എസ് എന്നിവർ സംസാരിക്കും
