തിരുവനന്തപുരം: യുവകലാ സഹിതി നടത്തി വരുന്ന പ്രതിമാസ പരിപാടിയായ വയലാർ സ്മൃതി സായാഹ്നം നാളെ. വയലാർ രാമവർമ്മയുടെ ഓർമ്മദിനത്തിലാണ് പരിപാടി സംഘടിപ്പിച്ചിരിക്കുന്നത്. സ്മൃതി സായാഹ്നം മുൻ എം പി. പന്ന്യൻ രവീന്ദ്രൻ ഉദ്ഘാടനം ചെയ്യും.
യോഗത്തിൽ അൽഫോൻസജോയ് സ്വാഗതവും റസൽ സബർമതി നന്ദിയും പറയും. മഹേഷ് മാണിക്യം യോഗത്തിൽ അധ്യക്ഷത വഹിക്കും. തുടർന്ന് നടക്കുന്ന അനുസ്മരണപ്രഭാഷണത്തിൽ കവി കാര്യവട്ടം ശ്രീകണ്ഠൻ നായർ, ഗീത നസീർ, അഡ്വ. സി എ. നന്ദകുമാർ, കെ. പി. ഗോപകുമാർ, കെ ദേവകി, ഷീല രാഹുലൻ, ചുള്ളാളം ബാബുരാജ് എന്നിവർ പങ്കെടുക്കും.
വൈകുന്നേരം നാലു മണിക്ക് നടക്കുന്ന ഗാനകവിത സായാഹ്നത്തിൽ അറിയപ്പെടുന്ന കവികൾ ആയ ബിജു പേരുമ്പുഴ, അൽഫോൻസാ ജോയ്, ബിജു പുലിപാറ, നളിനി ശശീന്ദ്രൻ, ശിവാസ് വാഴ മുട്ടം, രവി മടവൂർ, ഗിരീഷ് കളത്തറ, ഡോ. അനിത ഹരി, സോമൻ ചിറ്റലൂർ, കെ. ദേവകി, വിശ്വ നാഥൻ എന്നിവർ കവിതകൾ അവതരിപ്പിക്കും.
