തൃശൂർ: ആറാം ക്ലാസ് വിദ്യാർഥിനിയെ കണ്ടക്ടർ പാതിവഴിയിൽ ഇറക്കി വിട്ട സംഭവത്തിൽ അന്വേഷണത്തിന് നിർദേശിച്ച് ആരോഗ്യമന്ത്രി വീണ ജോർജ്. തിരുവില്വാമലയിൽ ബസ് ചാർജിനുള്ള പൈസ കുറവെന്ന് പറഞ്ഞാണ് വിദ്യാർഥിനിയെ ഇറക്കിവിട്ടത്. സംഭവത്തിൽ നിയമാനുസൃതമായി നടപടി സ്വീകരിക്കാൻ ബാലവകാശ കമ്മിഷന് മന്ത്രി നിർദേശം നൽകി.
അതെ സമയം പെൺകുട്ടിയെ വഴിയിൽ ഇറക്കിവിട്ട സംഭവത്തിൽ പ്രതിഷേധം ശക്തമാകുകയാണ്. ഇന്നലെ വൈകിട്ടായിരുന്നു സംഭവം. നൽകിയ ബസ്ചാർജ് കുറവാണെന്ന് പറഞ്ഞാണ് കുട്ടിയെ ബസിൽ നിന്നിറക്കിവിട്ടത്. കുട്ടിയുടെ പിതാവ് നൽകിയ പരാതിയിൽ പഴയന്നൂർ പൊലീസ് ഇന്ന് മൊഴിയെടുക്കും. പഴമ്പാലക്കോട് എസ്.എം.എം ഹയർസെക്കൻഡറി സ്കൂളിലെ ആറാം ക്ലാസ് വിദ്യാർഥിനിക്കാണ് ഈ അവസ്ഥ ഉണ്ടായത്.
