തിരുവനന്തപുരം: സംസ്ഥാനത്തെ വൈദ്യുതി നിരക്ക് വര്ധനയെ സംബന്ധിച്ച് വിശദീകരണവുമായി വൈദ്യുതി വകുപ്പ് മന്ത്രി കെ കൃഷ്ണന്കുട്ടി രംഗത്ത്. ഇനി മുതൽ എല്ലാ വര്ഷവും വൈദ്യുതി നിരക്ക് കൂടുമെന്ന് മന്ത്രി പറഞ്ഞു. നിരക്ക് വര്ധനയല്ലാതെ മറ്റ് മാര്ഗങ്ങളില്ലെന്നും ജനങ്ങള് ഇതിനായി തയ്യാറാവണമെന്നും മന്ത്രി വ്യക്തമാക്കി.
റഗുലേറ്ററി കമ്മീഷന് നിശ്ചയിക്കുന്ന രീതിയില് മുന്നോട്ട് പോകാനെ നിര്വാഹമുള്ളൂവെന്നും മന്ത്രി കെ കൃഷ്ണന് കുട്ടി കൂട്ടിച്ചേര്ത്തു. ഇന്നലെയാണ് വൈദ്യുതി നിരക്ക് കൂട്ടിയത്. യൂണിറ്റിന് ശരാശരി 20 പൈസ വരെയാണ് കൂട്ടിയത്. പ്രതിമാസം 40 യൂണിറ്റിൽ താഴെയുള്ളവർക്ക് നിരക്ക് വർധന ബാധകമല്ല. 100 യൂണിറ്റ് ഉപയോഗിക്കുന്നവർക്ക് 20 ശതമാനം നിരക്ക് വർധനയുണ്ടാകും.
25 മുതൽ 40 ശതമാനം വരെ നിരക്ക് കൂട്ടണമെന്നായിരുന്നു നേരത്തെ കെഎസ്ഇബി വൈദ്യുതി റഗുലേറ്ററി കമ്മീഷന് മുന്നിൽ വെച്ച ആവശ്യം. എന്നാൽ നിലവിൽ പരമാവധി 20 ശതമാനമാണ് കൂട്ടിയത്. 2022 ജൂണിലാണ് കേരളം അവസാനമായി വൈദ്യുതി നിരക്ക് കൂട്ടിയത്.
