പത്തനംതിട്ട: ശബരിമലയിൽ ദർശന സമയം വീണ്ടും കൂട്ടി. തിരക്ക് വർദ്ധിച്ചതിനെ തുടർന്നാണ് പുതിയ നീക്കം. നേരത്തെ തിരക്ക് നിയന്ത്രിക്കുന്നതിന്റെ ഭാഗമായി ദർശന സമയം വർധിപ്പിച്ചിരുന്നു. വീണ്ടും തിരക്ക് വർധിക്കുന്ന സാഹചര്യത്തിലാണ് രാത്രി അധികമായി അരമണിക്കൂറു കൂടി ദർശന സമയം കൂട്ടിയത്. ഇതേ തുടർന്ന് രാത്രി പതിനൊന്നരയ്ക്ക് നട അടയ്ക്കും.
പുതിയ സമയക്രമം അനുസരിച്ചു ശബരിമലയിലെ ദർശന സമയം ഒന്നരമണിക്കൂർ ആണ് കൂട്ടിയിരിക്കുന്നത്. ആദ്യം ഒരു മണിക്കൂർ ആണ് കൂട്ടിയത്. ഉച്ചക്ക് 3 മണിക്ക് നട തുറക്കും.
14 മണിക്കൂർ വരെ ക്യൂ നിന്നാണ് തീർഥാടകർ ദർശനം നടത്തുന്നത്. ക്യൂ കോംപ്ലക്സിൽ സൗകര്യങ്ങളില്ലെന്നാണ് തീർഥാടകരുടെ പരാതി.
