തിരുവനന്തപുരം; കേരളത്തിലെ സർക്കാർ മെഡിക്കൽ കോളേജ് അധ്യാപകരുടെ അംഗീകൃതസംഘടനയായ കെജിഎംസിടിഎയുടെ പുതിയ സംസ്ഥാന പ്രസിഡന്റായി തിരുവനന്തപുരം ഗവണ്മെന്റ് മെഡിക്കൽ കോളേജിലെ ന്യൂക്ലിയാർ മെഡിസിൻ അസോസിയേറ്റ് പ്രൊഫസർ ഡോ റോസ്നാരാ ബീഗത്തേയും, സംസ്ഥാന സെക്രട്ടറിയായി കോഴിക്കോട് മെഡിക്കൽ കോളേജിലെ ഫാർമാകോളജി അസിസ്റ്റന്റ് പ്രൊഫസർ ഡോ.ഗോപകുമാറിനേയും എതിരില്ലാതെ തിരഞ്ഞെടുത്തു.
ഡോ. റോസ്നാരാ ബീഗം മുൻ വർഷം സംസ്ഥാന സെക്രട്ടറിയായും . കെജിഎംസിടിഎ തിരുവനന്തപുരം യൂണിറ്റിന്റെ സെക്രട്ടറി ആയി ചുമതല വഹിച്ചിട്ടുണ്ട്. ഡോ. ഗോപകുമാർ കെ.ജി.എം.സി.ടി.ആ കോഴിക്കോട് യൂണിറ്റ് സെക്രട്ടറിയായിരുന്നു.
മറ്റു ഭാരവാഹികൾ, ഡോ സജിത്ത് വി, സംസ്ഥാന ട്രഷറർ ( വയനാട് മെഡിക്കൽ കോളേജ്), തിരുവനന്തപുരം മെഡിക്കൽ കോളേജ് സർജറി വിഭാഗം പ്രൊഫസർ ഡോ ആർ സി ശ്രീകുമാർ ബുള്ളറ്റിൻ എഡിറ്ററായും കോഴിക്കോട് മെഡിക്കൽ കോളേജ് അനസ്തേഷ്യോളജി ലെക്ചറർ ഡോ അർജുൻ എയെ ഐ.ടി സെക്രട്ടറി ആയും തിരഞ്ഞെടുത്തു. തിരുവനന്തപുരത്തെ വെച്ച് ചേർന്ന സംസ്ഥാനസമിതിയോഗത്തിൽ വച്ചു 2024ലെ സംസ്ഥാനഭാരവാഹികൾ ചുമതലയേറ്റു.
