തിരുവനന്തപുരം: കേരളത്തിലെ ഐ.ടി വ്യവസായ മേഖലയിൽ വൻകുതിപ്പ് സൃഷ്ടിക്കുന്ന മറ്റൊരു ഓഫീസ് സമുച്ചയം കൂടി ഇന്ന് തിരുവനന്തപുരത്ത് പ്രവർത്തനമാരംഭിക്കുന്നു. ടെക്നോപാർക്കിൽ ടോറസ് ഡൗൺടൗണിൻ്റെ ഭാഗമായുള്ള ആധുനിക സമുച്ചയമായ ‘നയാഗ്ര’ മുഖ്യമന്ത്രി പിണറായി വിജയൻ ഇന്ന് ഉദ്ഘാടനം ചെയ്യും.
15 ലക്ഷം ചതുരശ്ര അടി വിസ്തീർണമുള്ള നയാഗ്ര പ്രവര്ത്തനം ആരംഭിക്കുന്നതിലൂടെ ലോകോത്തര ഐ.ടി കമ്പനികൾക്കുള്ള പുതിയ കവാടം കൂടിയാണ് കേരളം തുറന്നിടുന്നത്. 50 ലക്ഷം ചതുരശ്ര അടി വിസ്തീർണത്തില് ഒരുങ്ങുന്ന ടോറസ് ഡൗൺടൗണ് ട്രിവാന്ഡ്രത്തില് സെൻട്രം ഷോപ്പിംഗ് മാള്, നോൺ-സെസ് ഓഫീസ് കെട്ടിടം, ടോറസ് യോസെമൈറ്റ്, അസറ്റ് ഐഡന്റിറ്റി, ബിസ്സിനസ്സ് ഹോട്ടല് എന്നിവ ഉള്ക്കൊള്ളുന്നതാണ്. പദ്ധതി പൂർണമായും യാഥാർത്ഥ്യമാക്കുന്നതോടെ വികസന വഴിയിലെ പുതിയ മാതൃകയായി മാറും ടെക്നോപാർക്ക് ഫേസ് 3.
