തിരുവനന്തപുരം : പ്രേംനസീർ സുഹൃത് സമിതിയുടെ ആഭിമുഖ്യത്തിൽ പ്രേംനസീർ ചിത്രഗീത പ്രശ്നോത്തരി സംഘടിപ്പിച്ചു.പ്രേംനസീർ അഭിനയിച്ച് ഹിറ്റാക്കിയ ഗാനങ്ങൾ ഉൾപ്പെടുത്തിയുള്ള പ്രശ്നോത്തരി സിനിമാ പിആർഒ റഹിം പനവൂർ ആണ് നയിച്ചത്. പ്രേംനസീറിന്റെ മുപ്പത്തി അഞ്ചാം ചരമ വാർഷികത്തോടനുബന്ധിച്ചായിരുന്നു മത്സരം.
ഏറെ ശ്രദ്ധേയവും വിജ്ഞാനപ്രദവുമായി മാറിയ മത്സരത്തിൽ നിരവധി പേർ പങ്കെടുത്തു. സമിതി സെക്രട്ടറി തെക്കൻസ്റ്റാർ ബാദുഷ, പ്രസിഡന്റ് പനച്ചമൂട് ഷാജഹാൻ, സിനിമാ പ്രൊഡക്ഷൻ കൺട്രോളർ ഗോപൻ ശാസ്തമംഗലം തുടങ്ങിയവർ നേതൃത്വം നൽകി.സമിതി സംഘടിപ്പിച്ച പ്രേംനസീർ സ്മൃതി സന്ധ്യയിൽ വച്ച്
റഹിം പനവൂരിനെ നടനും നിർമാതാവുമായ വിജയൻ മുരുക്കുംപുഴ പൊന്നാട അണിയിച്ച് ആദരിച്ചു.
