തിരുവനന്തപുരം: തിരുവനന്തപുരത്ത് യുവതിയെ പെട്രോളൊഴിച്ച് തീകൊളുത്തി. അതിനു ശേഷം യുവാവ് കിണറ്റിൽ ചാടി. അപകടത്തിൽ യുവതി മരിച്ചു. ചെങ്കോട്ടുകോണത്താണ് സംഭവം നടന്നത്. മെഡിക്കല്‍ കോളേജില്‍ ചികിത്സയില്‍ കഴിയവേയാണ് ജി. സരിത (46) മരിച്ചത്. പൗഡിക്കോണം ചെല്ലമംഗലം സ്വദേശി ബിനുവാണ് (50) സരിതയുടെ വീട്ടിലെത്തി ആക്രമിച്ചത്.
വീട്ടിൽ നിന്ന് വിളിച്ചിറക്കിയ സരിതയുടെ ശരീരത്തിലേക്ക് ബിനു പെട്രോളൊഴിക്കുകയായിരുന്നു. ഇന്നലെ രാത്രിയാണ് സംഭവം നടന്നത്. ബിനുവിനും പൊള്ളലേറ്റിരുന്നു. വീട്ടിൽ നിന്ന് വിളിച്ചിറക്കിയ സരിതയുടെ ശരീരത്തിലേക്ക് ബിനു പെട്രോളൊഴിക്കുകയായിരുന്നു. പൊള്ളലേറ്റതിനെ തുടര്‍ന്ന് ബിനു ചികിത്സയിലാണ്.
ഇന്നലെ രാത്രി എട്ടു മണിയോടെ ബിനു മേലെ കുണ്ടയത്തുള്ള സരിതയുടെ വീട്ടിലെത്തി. തുടർന്ന് സരിതയെ ബിനു വിളിച്ചിറക്കി കൊണ്ടുപോവുകയായിരുന്നു.ശേഷം ഇരുവരും തമ്മില്‍ സംസാരവും വാക്കേറ്റവും ആയി. സ്‌കൂട്ടറില്‍ കരുതിയിരുന്ന കന്നാസില്‍നിന്ന് സരിതയുടെ ദേഹത്തേക്ക് പെട്രോളൊഴിച്ച് തീകൊളുത്തുകയായിരുന്നു. പോലീസ് അന്വേഷണം ആരംഭിച്ചു. അതെ സമയം പ്രതി ബിനുവിൻ്റെ മൊഴിയെടുക്കാൻ പൊലീസിനു കഴിഞ്ഞിട്ടില്ല.
