കഴക്കൂട്ടം: കഴക്കൂട്ടത്ത് എൽഡിഎഫ് നേതൃത്വത്തിൽ വൻ പ്രതിഷേധ പ്രകടനം. പൗരത്വ ഭേദഗതി നിയമം രാജ്യത്ത് നടപ്പാക്കുവാൻ ശ്രമിക്കുന്ന കേന്ദ്രസർക്കാർ തീരുമാനത്തിനെതിരെയാണ് കഴക്കൂട്ടത്ത് വൻ പ്രതിഷേധ പ്രകടനവും യോഗവും നടന്നത്.
സിപിഐഎം കഴക്കൂട്ടം ഏരിയ സെക്രട്ടറി ഡി രമേശൻ യോഗം ഉദ്ഘാടനം ചെയ്തു. സിപിഐ മണ്ഡലം സെക്രട്ടറി ചന്തവിള മധു അധ്യക്ഷനായ യോഗത്തിൽ തുണ്ടത്തിൽ അജി,സ്റ്റാൻലി ഡിക്രൂസ്, എസ്. പ്രശാന്ത്, വി സുരേഷ് ബാബു, എ. നവാസ്, , രേവതി അനീഷ് , ആർ ജലജകുമാരി, കെ.നിർമ്മലകുമാർ,കർണികാരം ശ്രീകുമാർ തുടങ്ങിയവർ പങ്കെടുത്തു.
