ഡൽഹി: പുതിയ തെരഞ്ഞെടുപ്പ് കമ്മീഷണർമാരെ നിയമിച്ചു. തെരഞ്ഞെടുപ്പ് കമീഷണര് നിയമനവുമായി ബന്ധപ്പെട്ട ഹര്ജി സുപ്രീംകോടതി നാളെ പരിഗണിക്കാനിരിക്കെയാണ് മുൻ ഐഎഎസ് ഉദ്യോഗസ്ഥരെ നിയമിച്ചതായി റിപ്പോർട്ട് പുറത്തുവരുന്നത്. എന്നാൽ ഇത് സംബന്ധിച്ച് സർക്കാർ ഇതുവരെ ഔദ്യോഗിക പ്രഖ്യാപനം നടത്തിയിട്ടില്ല.
കേരള കേഡര് ഉദ്യോഗസ്ഥനായ ഗ്യാനേഷ് കുമാര്, പഞ്ചാബ് കേഡറിലുള്ള മുന് ഐ എസ് എസ് ഉദ്യോഗസ്ഥന് ഡോ. സുഖ്ബീര് സിങ് സന്ധു എന്നിവരെയാണ് പുതിയ തെരഞ്ഞെടുപ്പ് കമ്മീഷണർമാരായി നിയമിച്ചതെന്നാണ് പുറത്തുവരുന്ന റിപ്പോർട്ടുകൾ. നിയമപ്രകാരം രാഷ്ട്രപതിയായിരിക്കും ഇവരുടെ നിയമനത്തിൽ അന്തിമ തീരുമാനമെടുക്കുക. രണ്ട് തിരഞ്ഞെടുപ്പ് കമ്മീഷണർമാരെ തിരഞ്ഞെടുക്കുന്നതിനായി പ്രധാനമന്ത്രി നരേന്ദ്ര മോദിയുടെ നേതൃത്വത്തിലുള്ള മൂന്നംഗ ഉന്നതതല സെലക്ഷൻ ബോർഡിൻ്റെ യോഗത്തിന് ശേഷമാണ് അദ്ദേഹം ഇക്കാര്യം പറഞ്ഞത്.
