തിരുവനന്തപുരം: തിരുവനന്തപുരത്ത് ആറ്റിൽ കുളിക്കാനിറങ്ങിയ വിദ്യാർത്ഥി മുങ്ങി മരിച്ചു. കല്ലമ്പലം നാവായിക്കുളം സ്വദേശി വൈഷ്ണവ് (19)ആണ് മരണപ്പെട്ടത്. തിരുവനന്തപുരം പള്ളിക്കൽ പകൽക്കുറി ആറ്റിലാണ് വിദ്യാർഥി മുങ്ങി മരിച്ചത്. കൂട്ടുകാരോടൊപ്പം കുളിക്കാൻ പോയതായിരുന്നു വൈഷ്ണവ്.
ഇന്ന് വൈകുന്നേരം 5.30 ന് നാലംഗ സംഘം ആണ് ഇവർ ആറ്റിൽ കുളിക്കാൻ ഇറങ്ങിയത്. അഞ്ചൽ സെൻറ് ജോൺസിൽ രണ്ടാംവർഷ ഡിഗ്രി വിദ്യാർഥിയാണ്. നാല് പേരും കുളിക്കുന്നതിനിടെ വൈഷ്ണവ് ആറ്റിൽ മുങ്ങിപോകുകയായിരുന്നു. തുടർന്ന് ഒപ്പമുണ്ടായിരുന്ന സുഹൃത്തുകൾ കരയ്ക്കത്തിച്ച് പാരിപ്പള്ളി മെഡിക്കൽ കോളേജിൽ എത്തിച്ചു. പക്ഷെ ജീവൻ രക്ഷിക്കാൻ ആയില്ല.
