അജ്‌മാൻ: ഗൾഫ് മാധ്യമപ്രവർത്തകൻ അന്തരിച്ചു. വിവിധ മാധ്യമങ്ങളിൽ ജോലി ചെയ്തിരുന്നു മുഹമ്മദ് നവാസാണ് (55) അന്തരിച്ചത്. ഹൃദയാഘാതമാണ് മരണകാരണം. ഇന്ന് പുലർച്ചെയാണ് മരണം സംഭവിച്ചത്. അജ്മാനിലെ റൂമിൽ ഉറങ്ങികിടക്കുകയായിരുന്നു നവാസ്. രാവിലെ നവാസ് ഉണരാതിരുന്നതിനെ തുടർന്ന് അടുത്തുള്ളവർ വാതിൽ തുറന്ന് നോക്കിയപ്പോഴാണ് അനക്കമറ്റ നിലയിൽ കണ്ടത്. തുടർന്ന് ആശുപത്രിയിൽ എത്തിച്ചെങ്കിലും മരിച്ചിരുന്നു.
ഏറെ നാളായി ഹൃദയ സംബന്ധമായി ചികിത്സയിലായിരുന്നു. ചിറയിൻകീഴ് മാടൻവിള സ്വദേശിയാണ് നവാസ്. ഷാർജയിൽ ബിസിനസ് രംഗത്തും മാധ്യമ സാമൂഹ്യ രംഗങ്ങളിലും സജീവ സാന്നിധ്യമായിരുന്ന മാടൻവിള സംഗീതിൽ മുഹമ്മദ് നവാസ്. ഏറെനാളായി പ്രസ് ക്ലബ് വാർത്തയ്ക്ക് വേണ്ടിയും അദ്ദേഹം സേവനമനുഷ്ഠിച്ചിരുന്നു. ഷാർജ അന്താരാഷ്ട്ര പുസ്തകോത്സവം പോലുള്ള ഗൾഫ് മേഖലയിൽ നിന്നുള്ള വിവിധ പ്രധാന വാർത്തകൾ അദ്ദേഹം പ്രസ് വാർത്തയ്ക്ക് വേണ്ടി റിപ്പോർട്ട് ചെയ്തിരുന്നു.
ഭാര്യ നീതു നവാസ് കൊച്ചിയിലെ സ്കൂൾ അദ്ധ്യാപികയാണ്. മക്കൾ നിഹാൻ നവാസ് ,നെഹ നവാസ്. നാളെ ഉച്ചയോടുകൂടി നവാസിന്റെ മയ്യത്ത് നാട്ടിലെത്തിക്കും. ഖബറടക്കം പെരുമാതുറ വലിയ പള്ളി മുസ്ലിം ജമാഅത്തിൽ നടക്കും.
