തിരുവനന്തപുരം : വിവിധ മേഖലകളിലുള്ള കലാകാരന്മാരെ ഒരു കുടക്കീഴിലെത്തിച്ച് തലസ്ഥാനത്ത് ലുലു ആര്ട്രിയത്തിന്റെ രണ്ടാം സീസണ് തുടക്കമായി. ലുലു മാളിലെ ഗ്രാന്ഡ് എട്രിയത്തില് നടന്ന ചടങ്ങില് സിനിമതാരങ്ങളായ ഉണ്ണി മുകുന്ദനും മഹിമ നമ്പ്യാരും ചേര്ന്ന് ലുലു ആര്ട്രിയം ഉദ്ഘാടനം ചെയ്തു. മൂന്ന് ദിവസം നീളുന്ന കലയുടെ മാമാങ്കം നാളെ (31.03.24) സമാപിക്കും.
നിരവധി കലാകാരന്മാര് ഒരുക്കിയിട്ടുള്ള പെയിന്റിങ്ങുകള്, മെഴുക് പ്രതിമകള്, ശില്പങ്ങള്, കരകൗശല ഉല്പന്നങ്ങള് തുടങ്ങി വൈവിധ്യമാര്ന്ന പ്രദര്ശനമാണ് ലുലു ആര്ട്രിയത്തിന്റെ മുഖ്യ ആകര്ഷണം. ലൈവ് ഫെയ്സ് പെയിന്റിംഗ്, മക്രമേ – കോസ്റ്റര് പെയിന്റിംഗ് വര്ക് ഷോപ്പുകള്, തുടങ്ങി മേഖലയിലെ ട്രെന്ഡുകളെയും ഫെസ്റ്റില് അടുത്തറിയാം. ഫെസ്റ്റിനോടനുബന്ധിച്ച് കലയെയും – ഫാഷനെയും സമന്വയിപ്പിച്ചുള്ള ഫാഷൻ ഷോ നാളെ മാളിൽ നടക്കും. പ്രമുഖ കലാകാരന്മാർ പങ്കെടുക്കുന്ന പ്രത്യേക സെഷനുകളും മാളില് നടക്കുന്നുണ്ട്. സിനിമ താരം നന്ദു, ലുലു മാള് ജനറല് മാനേജര് ശ്രീലേഷ് ശശിധരന്, മാള് മേനജര് അഖില് കെ ബെന്നി, മാര്ക്കറ്റിംങ് മാനേജര് ജീതിന് രത്നാകരന് തുടങ്ങിയവര് ഉദ്ഘാടന ചടങ്ങില് സന്നിഹിതരായിരുന്നു.
