തിരുവനന്തപുരം: രണ്ടാനച്ഛന്‍റെ ക്രൂര മര്‍ദനത്തിനിരയായി ഏഴു വയസുകാരൻ. തിരുവനന്തപുരത്താണ് സംഭവം നടന്നത്. ഒരു വർഷമായി നിരന്തരമായി കുട്ടിയെ രണ്ടാനച്ഛന്‍ മർദിക്കുകയായിരുന്നു എന്നാണ് പരാതിയിൽ പറയുന്നത്.
പരാതിയുടെ അടിസ്ഥാനത്തിൽ ആറ്റുകാല്‍ സ്വദേശി അനുവിനെ പൊലീസ് പിടികൂടി. കൂടാതെ കുട്ടിയുടെ അമ്മ അഞ്ജനയെയും പൊലീസ് കസ്റ്റഡിയിലെടുത്തു. അച്ഛൻ ഉപദ്രവിക്കുമ്പോൾ അമ്മ തടയാറില്ലെന്നാണ് കുട്ടി പറയുന്നത്. കുട്ടിയുടെ മൊഴിയുടെ അടിസ്ഥാനത്തിലാണ് അമ്മയെ കസ്റ്റഡിയിലെടുത്തത്.
തന്നെ രണ്ടാനച്ഛൻ ക്രൂരമായി മര്‍ദിക്കുന്നുവെന്നാണ് കുട്ടിയുടെ മൊഴി. അടിവയറ്റിൽ ചട്ടുകം വെച്ച് പൊള്ളിച്ചെന്നുവെന്നും പച്ച മുളക് തീറ്റിച്ചുവെന്നും ഫാനില്‍ കെട്ടിത്തൂക്കിയെന്നും കുട്ടി പറയുന്നു. കുട്ടിയുടെ ശരീരത്തിൽ മുഴുവൻ അടിയേറ്റതിന്‍റെയും മുറിവിന്റെയും പാടുകളുണ്ട്.
