ആലപ്പുഴ: ആലപ്പുഴയിൽ സഹോദരിയെ കൊന്ന് വീടിനുള്ളിൽ കുഴിച്ചുമൂടി സഹോദരൻ. സംഭവത്തിൽ സഹോദരനെ പോലീസ് അറസ്റ്റ് ചെയ്തു. ആലപ്പുഴ ചെട്ടികാടാണ് സംഭവം. പൂങ്കാവ് വടക്കന്പറമ്പില് റോസമ്മയെയാണ് (60) കൊലപ്പെടുത്തി വീടിനുള്ളില് കുഴിച്ചിട്ടത്.
സഹോദരനായ ബെന്നിയെയാണ് പോലീസ് കസ്റ്റഡിയിലെടുത്തത്. ബെന്നി തന്നെയാണ് കൊലപാതക വിവരം പുറത്തുപറഞ്ഞത്. സംഭവത്തെ തുടർന്ന് പോലീസ് ബെന്നിയെയും കൂട്ടി ഇരുവരും താമസിച്ചിരുന്ന വീട്ടിലെത്തി മൃതദേശം പുറത്തെടുത്തു.
ഇക്കഴിഞ്ഞ 18 മുതല് റോസമ്മയെ കാണാനില്ലായിരുന്നു. എന്നാൽ ആരും പോലീസിൽ പരാതി നൽകിയിട്ടില്ലായിരുന്നു. തുടർന്ന് കഴിനാജ് ദിവസമാണ് ബെന്നി സഹോദരിയെ കൊലപ്പെടുത്തിയതായി ബന്ധുക്കളോട് പറഞ്ഞത്. തുടർന്ന് ഉടൻ തന്നെ പോലീസ് വിവരമറിയിക്കുകയായിരുന്നു. ചുറ്റിക കൊണ്ട് റോസമ്മയുടെ തലയ്ക്കടിക്കുകയായിരുന്നുവെന്നാണ് ബെന്നി പറഞ്ഞത്. രണ്ടാം വിവാഹത്തെ ചൊല്ലിയുള്ള തർക്കമാണ് കൊലപാതകത്തിലേക്ക് നയിച്ചതെന്നാണ് സൂചന. പോലീസ് വിശദമായ അന്വേഷണം ആരംഭിച്ചു.
