തിരുവനന്തപുരം: മാത്യു കുഴല്‍നാടന്‍ എംഎല്‍എ നല്‍കിയ ഹര്‍ജി തിരുവനന്തപുരം വിജിലന്‍സ് കോടതി തള്ളി. മാസപ്പടി കേസില്‍ മുഖ്യമന്ത്രി പിണറായി വിജയന്, മകള്‍ വീണാ വിജയന് എന്നിവര്‍ക്കെതിരേ അന്വേഷണം ആവശ്യപ്പെട്ടാണ് മാത്യു കുഴൽനാടൻ ഹർജി നൽകിയത്. ഇതാണ് ഇപ്പോൾ കോടതി തള്ളിയത്.
മുഖ്യമന്ത്രിയുടെ മകൾ വീണ വിജയന് മാസപ്പടിയായി പണം നൽകിയെന്ന ആരോപണം ഉയര്‍ന്ന കേസിൽ സിഎംആര്‍എൽ കമ്പനിക്ക് സംസ്ഥാന സര്‍ക്കാര്‍ വഴിവിട്ട സഹായങ്ങൾ നൽകിയെന്നായിരുന്നു മാത്യു കുഴൽനാടന്റെ ആരോപണം. മാത്രമല്ല ഈ കേസ് കോടതി നേരിട്ട് അന്വേഷിക്കണമെന്നായിരുന്നു എം എൽ എ ആവശ്യം.
ഹർജി തള്ളിയതിൽ പ്രതികരണവുമായി മാത്യു കുഴൽനാടൻ രംഗത്തെത്തി. കൊടുത്ത തെളിവുകളിലെ ന്യൂനത എന്തെന്ന് പരിശോധിക്കുമെന്ന് കുഴൽനാടൻ വ്യക്തമാക്കി.
