കണ്ണൂർ: കണ്ണൂരിൽ റോഡരികില്‍ ബോംബ് പൊട്ടിത്തെറിച്ചു. കണ്ണൂർ ചക്കരക്കല്ലിൽ ഇന്ന് പുലർച്ചെ നാല് മണിയോടെയാണ് സംഭവം. രണ്ട് ഐസ്ക്രീം ബോംബുകളാണ് പൊട്ടിത്തെറിച്ചത്. പൊലീസ് പട്രോളിങ്ങിനിടെയാണ് സ്ഫോടനം നടന്നത്. സിപിഐഎം ബിജെപി സംഘർഷം നിലനിൽക്കുന്ന സ്ഥലത്താണ് സ്ഫോടനം ഉണ്ടായത്.
കഴിഞ്ഞ ദിവസം പലേരി പൊട്ടൻകാവിലെ ക്ഷേത്ര ഉത്സവത്തിനിടെ ഇരു പാർട്ടികളും തമ്മിൽ സംഘർഷം ഉണ്ടായിരുന്നു. ഇതിനു പിന്നാലെയാണ് പൊട്ടിത്തെറി സംഭവിച്ചത്. സംഭവത്തില്‍ പൊലീസ് അന്വേഷണം തുടങ്ങിയിട്ടുണ്ട്. ആളപായമോ നാശനഷ്ടങ്ങളോ ഉണ്ടായിട്ടില്ല.
