കഴക്കൂട്ടം: കഴക്കൂട്ടത്ത് ഉത്സവത്തിനിടെ സംഘർഷം. ഇന്നലെ രാത്രിയാണ് സംഭവം നടന്നത്. സംഘർഷത്തിൽ പോലീസുകാരന് പരിക്കേറ്റു. എആർ ക്യാമ്പിൽ നിന്നുള്ള പൊലീസുകാരനാണ് സംഘർഷത്തിൽ പരിക്കേറ്റത്. കഴക്കൂട്ടം മഹാദേവർ ക്ഷേത്രത്തിലെ ഉത്സവത്തിൻ്റെ സമാപന ദിനമായിരുന്നു ഇന്നലെ.
ഉത്സവശേഷം കൂടിനിന്നവരെ പറഞ്ഞു വിടുന്നതിനിടെ ഇന്നലെ രാത്രിയോടെയാണ് സംഭവം നടന്നത്. കൊല്ലം ചിതറ സ്വദേശി റിയാസിനാണ് തലയ്ക്ക് പരിക്കേറ്റത്. പൊലീസുകാരെ സംഘം ചേർന്ന് മർദ്ദിക്കുകയായിരുന്നു. ഇതിനിടെ കമ്പി ഉപയോഗിച്ച് റിയാസിനെ തലയ്ക്ക് അടിക്കുകയായിരുന്നു. സംഭവത്തിൽ ആറുപേർ കസ്റ്റഡിയിലാണ്.
