കൊല്ലം: വനിതാ ഡോക്ടർക്ക് നേരെ മര്ദനം. കൊല്ലം ചവറയിലാണ് സംഭവം. രോഗിയോടൊപ്പം എത്തിയ സ്ത്രീയാണ് ഡോക്ടറെ ആക്രമിച്ചത്. കൊല്ലം ചവറ സാമൂഹികാരോഗ്യ കേന്ദ്രത്തില് വച്ചാണ് സംഭവം നടന്നത്. ഇന്നലെ രാത്രിയാണ് സംഭവം നടന്നത്.
ഇവിടെ ജോലി ചെയ്യുന്ന ഡോ. ജാന്സി ജെയിംസിനാണ് മര്ദനമേറ്റത്. വളരെ മോശമായി പെരുമാറിയെന്നും മുഖത്തടിച്ചെന്നും ഡോക്ടർ ജാൻസി ജെയിംസ് പറഞ്ഞു. പലതവണ ഇവർ മോശമായി സംസാരിച്ചു. മാത്രമല്ല അസഭ്യം പറയുകയും അതിനു ശേഷമാണ് ഡോക്ടറെ മർദിച്ചതെന്നുമാണ് പരാതിയിൽ പറയുന്നത്. സംഭവത്തില് ഡോക്ടര് ജാൻസി ജെയിംസ് ചവറ പൊലീസില് പരാതി നല്കി.
