തിരുവനന്തപുരം: വനത്തിനകത്ത് വെച്ച് ഭാര്യയുടെ കാലില് ചുറ്റിക കൊണ്ട് അടിച്ച് പരിക്കേൽപ്പിച്ച് ഭര്ത്താവ്. തിരുവനന്തപുരത്താണ് സംഭവം. ഗുരുതരമായി പരിക്കേറ്റ ഭാര്യയെ മെഡിക്കല് കോളേജ് ആശുപത്രിയില് പ്രവേശിപ്പിച്ചു. ഇന്ന് രാവിലെ 11 മണിയോടെയാണ് സംഭവം നടന്നത്.
മൈലമൂട് സ്വദേശി ഷൈനിയ്ക്കാണ് പരിക്കേറ്റത്. പാലോട് പച്ച സ്വദേശി സോജിയെ പാലോട് പോലീസ് കസ്റ്റഡിയിലെടുത്തു. സോജിയും ഷൈനിയും കുറച്ച് നാളായി പിണക്കത്തിലായിരുന്നു. ഇരുവരും മാറിയായിരുന്നു താമസിച്ചിരുന്നത്. എന്നാൽ ഇരുവരും തമ്മിൽ ഫോണിൽ ബന്ധപ്പെടാറുണ്ടായിരുന്നുവെന്നാണ് പോലീസ് പറയുന്നത്.
ഇന്ന് രാവിലെ ഭാര്യയെ ഫോണില് വിളിച്ച് കരുമണ് കോട് വനത്തില് വരാന് സോജി പറഞ്ഞിരുന്നു. ഇതേ തുടർന്നാണ് ഷൈനി വനത്തിലേക്ക് എത്തിയത്. എന്നാൽ ഇരുവരും തമ്മിൽ അവിടെ വച്ച് വാക്ക് തര്ക്കം ഉണ്ടാവുകയായിരുന്നു. തുടർന്ന് ഇയാൾ കൈയില് കരുതിയിരുന്ന ചുറ്റിക കൊണ്ട് ഭാര്യയുടെ കാലില് അടിക്കുകയായിരുന്നു.
