തിരുവനന്തപുരം: കനത്ത മഴയിൽ വീടിന്റെ ചുമരിടിഞ്ഞ് വീണ് വീട്ടമ്മ മരിച്ചു. തിരുവനന്തപുരം പോത്തൻകോടാണ് സംഭവം നടന്നത്. ഇടത്തറ വാർഡിൽ ചുമടുതാങ്ങി വിളയിൽ ശ്രീകല (61) ആണ് മരിച്ചത്. ഇവർ പഴയ വീടിന്റെ ഒരു ഭാഗം നിലനിർത്തി പുതിയ വീട് നിർമ്മിച്ചിരുന്നു.
കഴിഞ്ഞ ദിവസം പെയ്ത കനത്ത മഴയിൽ പഴയ വീടിന്റെ ചുമർ കുതിർന്ന് ഇടിഞ്ഞു വീഴുകയായിരുന്നു. ശ്രീകല പഴയ വീടിനു സമീപം നിൽക്കുകയായിരുന്നു. ചുമർ ഇടിഞ്ഞ് നേരെ ശ്രീകലയുടെ ദേഹത്തേക്ക് വീഴുകയായിരുന്നു. ഉടൻ തന്നെ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
