ഡൽഹി: ലോക്സഭ തിരഞ്ഞെടുപ്പിന്റെ ഫലം അറിയാൻ ഇനി വെറും മണിക്കൂറുകൾ മാത്രം. രാവിലെ എട്ടു മണി മുതൽ വോട്ടെണ്ണൽ ആരംഭിക്കും. അടുത്ത അഞ്ചു വർഷം രാജ്യം ആരു ഭരിക്കുമെന്ന് ഉടൻ അറിയാം.
വലിയ പ്രതീക്ഷയിലാണ് മുന്നണികൾ. എന്നാൽ എക്സിസ്റ് പോൾ എൻ ഡി എയ്ക്കാണ് മുൻ‌തൂക്കം നൽകിയിരിക്കുന്നത്. നരേന്ദ്ര മോദി മൂന്നാമതും രാജ്യം ഭരിക്കുമോ അതോ ഇന്ത്യ സംഖ്യം അധികാരത്തിലേറുമോ എന്ന് അറിയാൻ കാത്തിരിക്കുകയാണ് ജനങ്ങൾ.
പതിനെട്ടാം ലോക്സഭയിലേക്കുള്ള തിരഞ്ഞെടുപ്പാണ് ഇപ്പോൾ കഴിഞ്ഞത്. ഏഴു ഘട്ടമായി നടന്ന തെരഞ്ഞെടുപ്പിന്‍റെ ഫലം ഇന്ന് പ്രഖ്യാപിക്കും. ആന്ധ്രപ്രദേശ്, ഒഡീഷ നിയമസഭാ തെരഞ്ഞെടുപ്പിന്‍റെ ഫലവും ഇതോടൊപ്പം അറിയാം.
തപാൽ വോട്ടുകളാകും ആദ്യം എണ്ണി തുടങ്ങുക. അതിനു ശേഷമാകും ഇലക്ട്രോണിക് വോട്ടിംഗ് മെഷീനിലെ വോട്ടുകൾ എണ്ണുക. വോട്ടെണ്ണൽ കേന്ദ്രങ്ങളിൽ കനത്ത സുരക്ഷാസംവിധാനമാണ് കേന്ദ്ര തെരഞ്ഞെടുപ്പ് കമ്മീഷൻ നിർദ്ദേശിച്ചിട്ടുള്ളത്.
