തിരുവനന്തപുരം: അജ്ഞാതൻ ട്രെയിൻ തട്ടി മരിച്ചു. വെളുത്ത നിറവും ഏകദേശം 6 അടി ഉയരമുള്ള ഉദ്ദേശം 65 വയസ്സ് പ്രായം വരുന്ന ആളെയാണ് ട്രെയിൻ തട്ടി മരിച്ച നിലയിൽ കണ്ടെത്തിയത്. ഇന്നലെ ഉച്ചയ്ക്ക് 2:30യ്ക്കാണ് സംഭവം.
മുരുക്കുംപുഴ തോപ്പു മുക്ക് വച്ച് തിരുവനന്തപുരത്തേക്ക് പോവുകയായിരുന്ന ജനശതാബ്ദി എക്സ്പ്രസ് ട്രെയിൻ തട്ടിയാണ് ഇയാൾ മരിച്ചത്. മൃതദേഹം തിരുവനന്തപുരം മെഡിക്കൽ കോളേജ് മോർച്ചറിയിൽ സൂക്ഷിച്ചിരിക്കുന്നു. എന്തെങ്കിലും വിവരം ലഭിക്കുന്നവർ മംഗലപുരം പോലീസ് സ്റ്റേഷനിലോ (0471 2420 275), മംഗലപുരം എസ്സ്. ഐ യേയോ (9497 980 116) അറിയിക്കേണ്ടതാണ്.
