തിരുവനന്തപുരം: തിരുവനന്തപുരത്ത് ഇന്ധന ടാങ്കര് തോട്ടിലേക്ക് മറിഞ്ഞു. കിളിമാനൂരിലെ തട്ടത്തുമലയിലാണ് സംഭവം. ഇന്ന് പുലര്ച്ചെ 2.30ഓടെയായിരുന്നു അപകടം സംഭവിച്ചത്. കോട്ടയത്ത് നിന്ന് വന്ന ടാങ്കർ ലോറിയാണ് അപകടത്തിൽപ്പെട്ടത്. ലോറിൽ നിന്ന് ഇന്ധനം തോട്ടിലേക്ക് തോർന്നു. ഇതേ തുടർന്ന് പ്രദേശവാസികൾക്ക് ജാഗ്രത നിർദേശം നൽകിയിരിക്കുകയാണ്. എറണാകുളത്ത് നിന്ന് ഐഒസി ഉദ്യോഗസ്ഥർ സംഭവസ്ഥലത്ത് എത്തി.ഫയര്ഫോഴ്സ് ഉള്പ്പെടെ സ്ഥലത്തെത്തിയിട്ടുണ്ട്.
ഇന്ധനം മറ്റൊരു ടാങ്കറിലേക്ക് മാറ്റാനുള്ള നടപടികൾ ആരംഭിച്ചിട്ടുണ്ട്. മഴയില് നിയന്ത്രണം വിട്ട് ലോറി തെന്നിമാറിയതാണെന്നാണ് പുറത്തുവരുന്ന വിവരം. വലിയ ക്രെയിൻ എത്തിച്ച് ലോറി ഉയര്ത്താനാണ് നീക്കം. തോന്നയ്ക്കൽ 16ാം മൈലിലെ ഭാരത് പെട്രോളിയത്തിന്റെ പമ്പിലേക്ക് പോവുകയായിരുന്നു ടാങ്കര് ലോറി.
അപകടത്തിൽ പരിക്കേറ്റ ഡ്രൈവറെയും ക്ലീനറെയും തിരുവനന്തപുരം മെഡിക്കല് കോളേജ് ആശുപത്രിയിലേക്ക് മാറ്റി. എറണാകുളം സ്വദേശികളായ ഡ്രൈവർ അനുരാജ്, ക്ലീനർ ബിനു എന്നിവരെയാണ് ആശുപത്രിയിൽ പ്രവേശിപ്പിച്ചത്.
