തിരുവനന്തപുരം: തിരുവനന്തപുരം തുമ്പയില്‍ വള്ളം മറിഞ്ഞ് അപകടം. അപകടത്തിൽ മത്സ്യത്തൊഴിലാളിയെ കാണാതായി. ഇന്ന് രാവിലെ 8 മണിയോടെയാണ് അപകടം നടന്നത്.
തുമ്പ സ്വദേശി സെബാസ്റ്റ്യൻ (42) എന്നയാളിനെയാണ് കാണാതായത്. വള്ളത്തിൽ അഞ്ചു പേരാണ് ഉണ്ടായിരുന്നത്. ഇതിൽ നാല് പേരും നീന്തി കരയ്ക്ക് കയറി. എന്നാൽ സെബാസ്റ്റ്യനെ കാണാതാകുകയായിരുന്നു.
സെബാസ്റ്റ്യൻ തിരച്ചുഴിയിൽപ്പെടുകയായിരുന്നുവെന്നാണ് രക്ഷപ്പെട്ടവര്‍ പറയുന്നത്. സെബാസ്റ്റ്യനെ കണ്ടെത്താനുള്ള തിരച്ചിൽ നടക്കുകയാണ്.
