തിരുവനന്തപുരം: കഴിഞ്ഞ ദിവസം തിരുവനന്തപുരത്ത് നിന്ന് തട്ടികൊണ്ടുപോയ ആളെ കണ്ടെത്തി. തിരുനെല്വേലി സ്വദേശി ഉമറിനെയാണ് തട്ടിക്കൊണ്ടുപോയത്. 23 കാരനാണ് ഉമർ. ഉമറിനെ തട്ടികൊണ്ട് പോയത് സ്വര്ണം പൊട്ടിക്കല് സംഘമാണെന്നാണ് പുറത്തുവരുന്ന വിവരം. ഉമറിന്റെ പക്കൽ നിന്നും സ്വർണം തട്ടിയെടുക്കാനാണ് ഇയാളെ കടത്തിക്കൊണ്ട് പോയത്.
വഞ്ചിയൂർ പോലീസ് സ്റ്റേഷനിൽ എത്തിച്ച് ചോദ്യം ചെയ്യുന്നതിനിടെയാണ് ഇക്കാര്യങ്ങൾ വ്യക്തമായത്. ഉമര് വിദേശത്ത് നിന്നും വന്ന ആളില് നിന്നും സ്വര്ണം വാങ്ങാനാണ് എത്തിയത്. 64 ഗ്രാം സ്വർണ്ണമാണ് വാങ്ങാനായി എത്തിയത്. എന്നാൽ ഉമറിന് ഇവരുടെ പക്കൽ നിന്നും സ്വർണ്ണം വാങ്ങാൻ സാധിച്ചിരുന്നില്ല.
വലിയ തുറ കേന്ദ്രീകരിച്ചുള്ള സ്വർണം പൊട്ടിക്കൽ സംഘമാണ് ഉമറിനെ തട്ടികൊണ്ടുപോയത്. ഉമർ വിദേശത്തു നിന്നെത്തുന്ന ക്യാരിയർ മാരിൽ നിന്നും സ്വർണം വാങ്ങി കൊണ്ടു പോകുന്നയാളാണ്. തട്ടികൊണ്ട് പോകൽ സംഘം ഉമറിന്റെ കൈവശം സ്വർണ്ണം ഉണ്ടെന്ന് കരുതിയാണ് ഇയാളെ കടത്തിയത്. എന്നാൽ സ്വർണ്ണം ഇല്ലെന്ന് കണ്ടതോടെ ഉമറിനെ ഇവർ വെറുതെ വിടുകയായിരുന്നു.
