വെഞ്ഞാറമൂട്: തിരുവനന്തപുരത്ത് ആറാം ക്ലാസ്സുകാരനെ തൂങ്ങി മരിച്ച നിലയിൽ കണ്ടെത്തി. കല്ലറ മുതുവിള – കീഴാർ തടത്തരികത്ത് വീട്ടിൽ ഷാജിയുടെയും രചനയുടെയും മകൻ ശിവനന്ദാണ് മരിച്ചത്. ചൊവ്വാഴ്ച സന്ധ്യയോടെയാണ് സംഭവം നടന്നത്. കുളിമുറിയിൽ തോർത്ത് മുണ്ടിൽ തൂങ്ങിയ നിലയിലായിരുന്നു മൃതദേഹം കണ്ടെത്തിയത്.
മൊബൈൽ ഫോണിൽ കളിച്ചു കൊണ്ടിരുന്ന ശിവനന്ദിൻ്റെ കൈയ്യിൽ നിന്നും ഫോൺ വാങ്ങി ചേട്ടന് കൊടുത്തതിൻ്റെ വിഷമത്തിൽവീട്ടിനകത്തെ കുളിമുറിയിൽ കയറി കുറ്റി ഇട്ട ശേഷം ആത്മഹത്യ ചെയ്തെന്നാണ് പൊലിസ് പറയുന്നത്. കുളി മുറിയിൽ കയറിയ ശിവനന്ദിനെ ഒത്തിരി സമയമായിട്ടും കാണാത്തതിനെ തുടർന്ന് വിളിച്ചെങ്കിലും പ്രതികരണമുണ്ടായില്ല.
തുടർന്ന് വാതിൽ പൊളിച്ചു നോക്കിയപ്പോഴാണ് തൂങ്ങി നിൽക്കുന്നത് കണ്ടത്. ഉടൻ തന്നെ നെടുമങ്ങാട് ജില്ലാ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല
