തിരുവനന്തപുരം: തൃശൂർ പൂരം കലക്കിയതിൽ ജൂഡീഷ്യൽ അന്വേഷണം വേണമെന്ന് പ്രതിപക്ഷ നേതാവ് വി ഡി സതീശൻ. സംഭവവുമായി ബന്ധപ്പെട്ട് നടത്തിയ അന്വേഷണത്തില് വിശ്വാസമില്ലെന്നും അദ്ദേഹം പറഞ്ഞു.
പൂരം കലക്കിയ സംഭവത്തില് ആരോപണ വിധേയന് തന്നെ അന്വേഷിച്ച റിപ്പോര്ട്ടാണ് ഇപ്പോൾ സമർപ്പിച്ചിരിക്കുന്നത്. ഈ റിപ്പോർട്ടിന് എന്ത് പ്രസക്തിയാണ് ഇനിയുള്ളതെന്നും അദ്ദേഹം ആരാഞ്ഞു. അന്വേഷണം പ്രഹസനമാണെന്നും ഇതൊരു തട്ടിക്കൂട്ട് റിപ്പോർട്ട് ആണെന്നും വി ഡി സതീശൻ ആരോപിച്ചു.
പ്രശ്നം നടക്കുമ്പോൾ മുഖ്യമന്ത്രിയും എഡിജിപിയും എന്ത് കൊണ്ട് ഇടപെട്ടില്ലെന്നും ഇത് എല്ലാവരും ചേർന്ന് നടത്തിയ ഗൂഢാലോചനയാണെന്നും അദ്ദേഹം പറഞ്ഞു. മാത്രമല്ല ഉത്സവം കലക്കി തിരഞ്ഞെടുപ്പ് ജയിക്കാന് വേണ്ടി സി.പി.എമ്മുമായി ചേര്ന്ന് ബി.ജെ.പി ഗൂഢാലോചന നടത്തിയെന്നും വി ഡി സതീശൻ പറഞ്ഞു.
