തിരുവനന്തപുരം: “സുസ്ഥിര കേരളം “ലോഗോ പ്രകാശനം ഇന്ന്. വൈകുന്നേരം 4:30 ക്ക് നടക്കുന്ന ചടങ്ങിൽ ഗവർണർ ആരിഫ് മുഹമ്മദ് ഖാൻ ലോഗോ പ്രകാശനം ചെയ്യും. രാജ്ഭവനിൽ നടക്കുന്ന ചടങ്ങിൽ വിവിധ സാമൂഹിക ആത്മീയ നേതാക്കൾ പങ്കെടുക്കും.
പ്രകൃതിദുരന്തങ്ങളെ അതിജീവിക്കുവാൻ ജനങ്ങൾ ഒറ്റക്കെട്ടായി പ്രവർത്തിക്കേണ്ട സമയം അതിക്രമിച്ചിരിക്കുന്നു. ഇനിയും വൈകിയാൽ അത് ആപത്താണ് . ആ തിരിച്ചറിവിലേക്ക് സമൂഹത്തെ പ്രാപ്തരാക്കുവാൻ വേണ്ടി ക്രൈസ്തവ സഭകളുടെ കൂട്ടായ്മയായ ആക്ട്സിൻ്റെ ആഭിമുഖ്യത്തിൽ രൂപം കൊടുക്കുന്ന കൗൺസിലാണ് “സുസ്ഥിര കേരളം. ” വിഖ്യാത പരിസ്ഥിതി ശാസ്ത്രജ്ഞൻ പത്മഭൂഷൻ പ്രൊഫ മാധവ് ഗാഡ്ഗിൽ ആണ് സുസ്ഥിര കേരളത്തിൻറെ മുഖ്യ ഉപദേഷ്ടാവ്.
