പാലക്കാട് : സോഫ കമ്പനിയിൽ തീപിടുത്തം. തിരുവേഗപ്പുറ കാരമ്പത്തൂരിലെ കടയിലാണ് തീപിടുത്തമുണ്ടായത്. സമീപവാസികളാണ് പുക ഉയരുന്നത് ആദ്യം കണ്ടത്. രാവിലെ ആറു മണിയോടെയാണ് സംഭവം.
നാട്ടുകാർ ഉടൻ തന്നെ ഫിർഫോഴ്സിനെയും പോലീസിനെയും വിവരമറിയിക്കുകയും പട്ടാമ്പി ഫയർഫോഴ്സ് എത്തി തീ നിയന്ത്രണവിധേയമാക്കുകയും ചെയ്തു. ഷോർട്ട് സർക്യൂട്ടാണ് തീപിടിത്തതിന് കാരണമെന്നാണ് പ്രാഥമിക നിഗമനം. അപകടം നടന്ന സമയം കടയ്ക്കുള്ളിൽ ആരും ഇല്ലായിരുന്നു. അതിനാൽ ആളപായമില്ല.
