കാസർഗോഡ്: നീലേശ്വരം വെടിക്കെട്ട് അപകടത്തിൽ മരണസംഖ്യ നാലായി. കോഴിക്കോട് സ്വകാര്യ ആശുപത്രിയിൽ ചികിത്സയിലായിരുന്ന ചെറുവത്തൂർ സ്വദേശി ഷിബിൻ രാജാണ് ഇന്ന് മരിച്ചത്. അപകടത്തിൽ ഷിബിൻരാജിന് 60 ശതമാനത്തിലേറെ പൊള്ളലേറ്റിരുന്നു. ചികിത്സയിലായിരുന്ന രണ്ട് പേര് കൂടി ഇന്നലെ മരിച്ചിരുന്നു. കെ രതീഷ്(32), ബിജു(38) എന്നിവരാണ് ഇന്നലെ മരിച്ചത്.
നൂറിലേറെ പേര്ക്കാണ് അപകടത്തില് പൊള്ളലേറ്റത്. ഇതിൽ 30ഓളം പേർ തീവ്രപരിചരണ വിഭാഗത്തിൽ ചികിത്സയിൽ തുടരുകയാണ്. ഒക്ടോബര് 28ന് അര്ധരാത്രിയാണ് ക്ഷേത്രത്തില് വെടിക്കെട്ടപകടം ഉണ്ടായത്. നീലേശ്വരം തെരു അഞ്ഞൂറ്റമ്പലം വീരര്കാവ് ക്ഷേത്രത്തിലാണ് അപകടം നടന്നത്.
