തിരുവനന്തപുരം: തിരുവനന്തപുരത്ത് യുവാവിനെ പൊലീസ് മര്‍ദ്ദിച്ചെന്ന് പരാതി. പൊലീസ് സ്റ്റേഷന്റെ ദൃശ്യങ്ങള്‍ പകര്‍ത്തിയതിനെ തുടർന്നാണ് മർദനം. ചെക്കാലക്കോണം വാറുവിള വീട്ടില്‍ സുരേഷിഷിനാണ് മർദനമേറ്റത്.
തിരുവനന്തപുരം നഗരൂര്‍ പൊലീസ് സ്റ്റേഷനിലാണ് സംഭവം നടന്നത്. സംഭവത്തിൽ ആറ്റിങ്ങല്‍ ഡിവൈഎസ്പിക്ക് സുരേഷ് പരാതി നൽകി. ദീപാവലിയുടെ ഭാഗമായി അലങ്കരിച്ച സ്റ്റേഷന്റെ ദൃശ്യങ്ങളാണ് താൻ പകർത്തിയതെന്നും ഇതിന്റെ പേരിലാണ് തന്നെ മർദിച്ചതെന്നുമാണ് സുരേഷ് പറയുന്നത്.
അതെ സമയം സംഭവത്തിൽ പ്രതികരണവുമായി നഗരൂര്‍ പൊലീസ് സ്റ്റേഷനിലെ ഉദ്യോഗസ്ഥർ രംഗത്തെത്തി. ഇയാൽ സ്റ്റേഷനിൽ അസഭ്യം പറയുകയായിരുന്നുവെന്നും ഇയാളെ മർദിച്ചിട്ടില്ലെന്നുമാണ് ഉദ്യോഗസ്ഥർ പറയുന്നത്. എന്നാൽ ഇയാൾക്കെതിരെ പെറ്റിക്കേസ് എടുക്കുക മാത്രമാണ് ചെയ്തതെന്നും പൊലീസ് പ്രതികരിച്ചു.
