തിരുവനന്തപുരം: തിരുവനന്തപുരത്ത് വീട്ടിൽ വെടിയുണ്ട പതിച്ചു. തിരുവനന്തപുരം മലയിൻകീഴ് വിളവൂർക്കലാണ് സംഭവം. ഹാളിലെ സോഫയിലാണ് വെടിയുണ്ട കണ്ടത്.
സംഭവം നടന്ന സമയം വീട്ടിൽ ആരും ഉണ്ടായിരുന്നില്ല. പുറത്ത് പോയി തിരികെ വീട്ടിൽ എത്തിയപ്പോഴാണ് വീട്ടുകാർ വെടിയുണ്ട കണ്ടത്. വീടിന്റെ ഷീറ്റ് തുളച്ചാണ് വെടിയുണ്ട അകത്ത് പതിച്ചത്.
സമീപത്തെ ഫയറിങ് പരിശീലന കേന്ദ്രത്തിൽനിന്ന് ലക്ഷ്യം തെറ്റി വെടിയുണ്ട എത്തിയതാകാനാണ് സാധ്യത എന്നാണ് പ്രദേശവാസികൾ പറയുന്നത്. സമാന രീതിയിൽ സമീപത്തെ വീടുകളിൽ മുൻപും വെടിയുണ്ട പതിച്ചിട്ടുണ്ട്. സംഭവത്തിൽ മലയൻകീഴ് പോലീസ് അന്വേഷണം ആരംഭിച്ചു.
