തിരുവനന്തപുരം: സംസ്ഥാനത്ത് സ്വർണവിലയിൽ വൻ ഇടിവ്. ഒരു ഗ്രാം സ്വർണത്തിന്റെ വിലയിൽ 135 രൂപയുടെ കുറവാണ് ഉണ്ടായത്. ഇതോടെ ഗ്രാമിന് 7085 രൂപയാണ് ഇന്നത്തെ വില. പവന് ഇന്ന് 1080 രൂപയാണ് കുറഞ്ഞത്. പവന് 56,680 രൂപയിലാണ് ഇന്ന് വ്യാപാരം നടത്തുന്നത്.
ഇന്നലെ പവന് 440 രൂപ കുറഞ്ഞിരുന്നു. അതെ സമയം വെള്ളിയുടെ വില രണ്ട് രൂപ കുറഞ്ഞു. ഒരു ഗ്രാം ഹാൾമാർക്ക് വെള്ളിയുടെ വില 97 രൂപയാണ്. 7085 രൂപയാണ് ഒരു ഗ്രാം 22 കാരറ്റ് സ്വർണത്തിന്റെ വില. 5840 രൂപയാണ് ഒരു ഗ്രാം 18 കാരറ്റ് സ്വർണത്തിന്റെ വില.
