തിരുവനന്തപുരം: സർക്കാരും കോടതികളും നിയമവ്യവസ്ഥയെ വെല്ലുവിളിച്ചുകൊണ്ട് മുസ്ലിം പള്ളികളെ പിടിച്ചെടുക്കാനുള്ള സംഘപരിവാർ അജണ്ടയ്ക്കു കോപ്പുകൂട്ടിയാൽ അതിനെ തടയാൻ രാജ്യത്തെ പ്രതിപക്ഷ കക്ഷികൾ രംഗത്തിറങ്ങണമെന്നും അല്ലാത്ത പക്ഷം ബാബരിമസ്ജിദ് സംഭവങ്ങൾ ആവർത്തിക്കുമെന്നും ഐ എൻ എൽ സംസ്ഥാന സെക്രട്ടറി അഡ്വ. ജെ. തംറൂഖ് പ്രസ്താവനയിൽ പറഞ്ഞു.
യു പി യിൽ ഷാഹി മസ്ജിദിൽ പ്രതിക്ഷേധം നടത്തിയ ചെറുപ്പക്കാരെ വെടിവച്ചുകൊന്നത് കിരാതവും ജനാധിപത്യത്തിനും മതേതരത്തതോടുമുള്ള വെല്ലുവിളിയാണെന്നും ഫാസിസം രാജ്യത്തിന്റെ സമാധാനം തകർക്കുമെന്നും ഇന്ത്യാ സഖ്യവും മാറ്റ് പ്രതിപക്ഷ കക്ഷികളും ഫാസിസത്തെ ചെറുക്കാൻ രംഗത്തിറങ്ങണമെന്നും അല്ലാത്തപക്ഷം രാജ്യം നേടിയെടുത്ത സ്വാതന്ത്ര്യം നഷ്ടപ്പെടാൻ ഇടയാക്കുമെന്നും പ്രസ്താവനയിൽ ഓർമിപ്പിച്ചു.
