കൊല്ലം: റഷാദീസ് സൗഹൃദ സംഗമവും ഖുർആൻ വിരുന്നും ബുധനാഴ്‌ച. കൊല്ലം കർബല ഹാളിൽ രാവിലെ എട്ടുമണി മുതലാണ് സൗഹൃദ സംഗമവും ഖുർആൻ വിരുന്നും നടക്കുന്നത്. സബീലുറഷാദ് അറബിക് കോളേജ് നിന്നും പഠനം പൂർത്തിയാക്കിയ പ ണ്ഢിതന്മാർക്ക് നൽകുന്ന ബിരുദമാണ് റഷാദിയെന്ന സ്‌ഥാനപ്പേര്. കേരളത്തിലെ റഷാദിമാരായ പണ്ഡിതന്മാ രുടെ കൂട്ടായ്മയാണ് ‘റശാദീസ് അസോസിയേഷൻ കേരള’. ഈ കൂട്ടായ്മയുടെ നേതൃത്വത്തിലാണ് പരിപാടി സംഘടിപ്പിക്കുന്നത്.
രാവിലെ 9 മണിക്ക് നടക്കുന്ന പണ്‌ഡിത സമ്മേളനം മേക്കോൺ സി എൻ ഹസൻ റഷാദി ഉദ്ഘാടനം ചെയ്യും. ഹാഫിസ് എം.ഇ. എം അഷ്‌റഫ് മൗലവി മുഖ്യപ്രഭാഷണം നടത്തും. മുട്ടയ്ക്കാവ് മുഹമ്മദ് സലീം മൗലവി അധ്യക്ഷത വഹിക്കും. ഉച്ചയ്ക്ക് രണ്ടിന് പുസ്ത‌കപ്രകാശനവും ഖുർആൻ വിരുന്നും നടക്കും.
പനമുട്ടം വി എം ഫത്തഹുട്ടിൻ റശാദി പരിപാടി ഉദ്ഘാടനം ചെയ്യും. ഖുർആൻ വിരുന്നും പുസ്‌തക പ്രകാശനവും ബാംഗ്ലൂർ സബിലുറശാദ് അറബിക് കോളേജ് പ്രൊഫസർ മൗലാനാ സിറാജുദ്ദീൻ റഷാദി നിർവഹിക്കും. കടുവയിൽ മൻസൂറുദ്ധീൻ റഷാദി അധ്യക്ഷത വഹിക്കും. മൗലാന മുഹമ്മദ് ഹമീദ് റഷാദി (തമിഴ്‌നാട് ) മുഖ്യാതിഥിയായിരിക്കും. വണ്ണപ്പുറം മുഹമ്മദ് ശരി ഫ് റഷാദി അനുഗ്രഹ പ്രഭാഷണം നടത്തും.
