ലഖ്നൗ: ഉത്തർപ്രദേശിലെ ബാഗ്പത്തിൽ ലഡ്ഡു മഹോത്സവത്തിനിടെ സ്റ്റേജ് തകർന്ന് 5 പേർ മരിച്ചു. മുള കൊണ്ടുള്ള പ്ലാറ്റ് ഫോം തകർന്നാണ് അപകടം സംഭവിച്ചത്. അപകടത്തിൽ അഞ്ചുപേർ മരിക്കുകയും നാൽപ്പത്തിലധികം പേർക്ക് പരുക്കേൽക്കുകയും ചെയ്തു.
പ്രാദേശിക ജൈന സമൂഹം 30 വര്ഷമായി വര്ഷം തോറും ആഘോഷിക്കുന്ന ലഡു മഹോത്സവത്തിൽ പങ്കെടുക്കാനെത്തിയവർക്കാണ് അപകടമുണ്ടായത്.. തടി കൊണ്ട് കെട്ടിയ താത്കാലിക വാച്ച് ടവർ ആണ് തകർന്നുവീണത്. ബറൗത്ത് നഗരത്തിലായിരുന്നു സംഭവം. അധികം വീതിയില്ലാത്ത സ്ഥലത്തായിരുന്നു സ്റ്റേജ്. ആളുകൾ നിയന്ത്രണമില്ലാതെ എത്തിയതോടെ ഭാരം താങ്ങാനാവാതെ പ്ലാറ്റ്ഫോം തകരുകയായിരുന്നു.
