പാലക്കാട്: പാലക്കാട് നെന്മാറ ഇരട്ടക്കൊലപാതക കേസ് പ്രതി ചെന്താമരയെ പോലീസ് കസ്റ്റഡിയിൽ വിട്ടു. ആലത്തൂർ ഫസ്റ്റ് ക്ലാസ് മജിസ്ട്രേറ്റ് കോടതിയുടേതാണ് ഉത്തരവ്. നാളെ മൂന്ന് മണി വരെയാണ് കസ്റ്റഡിയിൽ വിട്ടിരിക്കുന്നത്.
ചെന്താമരയെ പോത്തുണ്ടിയിലെത്തിച്ച് തെളിവെടുപ്പ് നടത്തും. കൂടാതെ ചെന്താമര ഒളിച്ചു താമസിക്കുകയും ആയുധങ്ങള് സൂക്ഷിക്കുകയും ചെയ്ത സ്ഥലത്തും പ്രതിയെ എത്തിച്ച് വിശദമായി തെളിവെടുപ്പ് നടത്തും. 200ലധികം പൊലീസ് ഉദ്യോഗസ്ഥരെ ബോയന് നഗര് മേഖലയില് വിന്യസിക്കും.
