തിരുവനന്തപുരം: തിരുവനന്തപുരം പോത്തന്കോട് സുധീഷ് വധക്കേസില് മുഴുവൻ പ്രതികൾക്കും ജീവപര്യന്തം ശിക്ഷ വിധിച്ചു. ഉണ്ണിയെന്ന് വിളിക്കുന്ന സുധീഷ്, ശ്യാം, രാജേഷ്, നിധീഷ്, നന്ദീഷ്, രഞ്ചിത്ത്, ശ്രീനാഥ്, സൂരജ്, അരുൺ, ജിഷ്ണു പ്രദീപ്, സച്ചിൻ എന്നീ പ്രതികൾക്കാണ് കോടതി ജീവപര്യന്തം ശിക്ഷ വിധിച്ചത്.
നെടുമങ്ങാട് SC – ST കോടതിയാണ് ശിക്ഷ വിധിച്ചത്. പ്രതികൾക്ക് വധശിക്ഷ നൽകണമായിരുന്നുവെന്ന് സുധീഷിന്റെ അമ്മ ലീല പ്രതികരിച്ചു. മംഗലപുരം സ്വദേശി സുധീഷിനെ 2021 ഡിസംബർ 11നാണ് പ്രതികൾ ക്രൂരമായി കൊലപ്പെടുത്തിയത്. സുധീഷ് ഒളിവിൽ താമസിച്ചിരുന്ന വീട്ടിലേക്ക് ഗുണ്ടാ സംഘമെത്തി കൊലപ്പെടുത്തുകയായിരുന്നു.
കുട്ടികളുടെ മുന്നിലിട്ടാണ് സുധീഷിനെ വെട്ടികൊലപ്പെടുത്തിയത്. തുടർന്ന് വലതുകാൽ വെട്ടിയെടുത്തു. വെട്ടിയെടുത്ത കാല് നാട്ടുകാര്ക്ക് മുന്നില് പ്രദര്ശിപ്പിക്കുകയും ചെയ്തു.
