തിരുവനന്തപുരം: വിഴിഞ്ഞത്ത് നിന്ന് മത്സ്യബന്ധനത്തിന് പോയി കാണാതായ മത്സ്യത്തൊഴിലാളികളിൽ 4 പേർ സുരക്ഷിതരെന്ന് റിപ്പോർട്ട്. 9 പേരാണ് വിഴിഞ്ഞത്ത് നിന്ന് മത്സ്യബന്ധനത്തിനായി കടലിലേക്ക് പോയത്. ഇതിൽ നാല് പേരെയാണ് കണ്ടെത്തിയത്. ഇനി അഞ്ചു പേർക്കായുള്ള തിരച്ചിൽ തുടരുകയാണ്.
ഇവർ സഞ്ചരിച്ച വള്ളം കന്യാകുമാരിയ്ക്ക് അടുത്താണെന്ന് ഫോൺ കോൾ ലഭിച്ചു. മെയ് 29ന് രാത്രി മത്സ്യബന്ധനത്തിന് പോയവരെയാണ് കാണാതായത്. 3 വള്ളങ്ങളിലായാണ് ഇവർ യാത്ര തിരിച്ചത്. ഇന്നലെ തന്നെ ഇവർക്കായിട്ടുള്ള തിരച്ചിൽ ആരംഭിച്ചിരുന്നു.
