തിരുവനന്തപുരം: തിരുവനന്തപുരത്ത് ക്ലാസ് നടക്കുന്നതിനിടയിൽ സീലിങ് ഇളകി വീണു. തിരുവനന്തപുരം പാറശാലയിലാണ് സംഭവം നടന്നത്. പാറശ്ശാലയിലെ സിഎസ്ഐ ലോ കോളേജിലെ ക്ലാസ് മുറിയുടെ സീലിംഗാണ് തകർന്നു വീണത്.
രാവിലെ 10:30 ഓടെയാണ് അപകടം നടന്നത്. ആർക്കും സാരമായി പരിക്കുകളില്ല. ഒന്നാം വർഷ വിദ്യാർത്ഥികളുടെ ക്ലാസ് നടക്കുമ്പോഴാണ് സീലിംഗ് തകർന്നു വീണത്. സീലിങ് ഇളകിവീണ സമയത്ത് 35ഓളം കുട്ടികൾ ക്ളാസിലുണ്ടായിരുന്നു. വിദ്യാർത്ഥികള്ക്കായി മറ്റൊരു കെട്ടിടം പണി പൂർത്തിയായതുകൊണ്ടാണ് നിലവിലെ കെട്ടിടത്തിൽ അറ്റകുറ്റ പണി നടത്താതിരുന്നതെന്നാണ് കോളേജ് അധികൃതർ പറയുന്നത്.
