തിരുവനന്തപുരം: കഠിനംകുളം സെൻ്റ് ആൻഡ്രൂസിൽ വള്ളം മറിഞ്ഞ് മത്സ്യ തൊഴിലാളിയെ കാണാതായി. സെൻ്റ് ആൻഡ്രൂസ് സ്വദേശി അലക്സ് പെരേരയെ (56) ആണ് കാണാതായത്.
രാവിലെ ആറര മണിയോടെ സെൻ്റ് ആൻഡ്രൂസ് കടപ്പുറത്തു നിന്നും മത്സ്യബന്ധനത്തിന് പുറപ്പെടുമ്പോഴായിരുന്നു അപകടം. ശക്തമായ തിരയിൽ വള്ളം മറിയുകയായിരുന്നു. സെൻ്റ് ആൻഡ്രൂസ് സ്വദേശി തദ്ദേശിൻ്റെ ഉടമസ്ഥതയിലെ റൊസാരിയോയുടെ വള്ളമാണ് അപകടത്തിൽപ്പെട്ടത്.
ഏഴുപേരാണ് വള്ളത്തിലുണ്ടായിരുന്നത്. ആറുപേർ നീന്തിക്കയറി. അലക്സിന് നീന്തിക്കയറാൻ കഴിഞ്ഞില്ല. മത്സ്യതൊഴിലാളികളും കോസ്റ്റൽ പോലീസും തെരച്ചിൽ നടത്തുന്നു. തദ്ദേശ്, ജെയിംസ്, ശമരിയാൻ, ജോയി, ജെയിംസ്, ആൻ്റണി എന്നിവരാണ് വള്ളത്തിലുണ്ടായിരുന്നത്.
