തിരുവനന്തപുരം: നിലാവ് സൗഹൃദ സംഘത്തിന്റെ നേതൃത്വത്തിൽ പുസ്തക പ്രകാശനവും സാഹിത്യസമ്മേളനവും സംഘടിപ്പിച്ചു. കണിയാപുരം സൈനുദ്ദീൻ എഴുതിയ കഅബയ്ക്ക് ഒരു മുത്തം യാത്രാവിവരണ പുസ്തകത്തിന്റെ അഞ്ചാം പതിപ്പ് പ്രകാശനമാണ് നടന്നത്.
കണിയാപുരം റാഹ ഓഡിറ്റോറിയത്തിൽ വച്ച് നടന്ന പരിപാടിയിൽ നിലാവ് സൗഹൃദ സംഘത്തിന്റെ ചെയർമാൻ ചാന്നാങ്കര ജയപ്രകാശ് അധ്യക്ഷത വഹിച്ചു. തിരുവനന്തപുരം TDLSA സെക്രട്ടറി, സീനിയർ സിവിൽ ജഡ്ജി, എസ്.ഷംനാദ് സമ്മേളനം ഉദ്ഘാടനം ചെയ്തു.
പാളയം ജമാഅത്ത് ഇമാം വി.പി.സുഹൈബ് മൗലവി പുസ്തകം പ്രകാശനം ചെയ്തു. ചാന്നാങ്കര സലിം പുസ്തകം പരിചയപ്പെടുത്തി.
