തിരുവനന്തപുരം: ലഹരിക്കടത്ത് സംഘം തിരുവനന്തപുരം റൂറല് ഡാന്സാഫിന്റെ പിടിയിലായി. വനിത ഉള്പ്പെടെ നാലംഗ സംഘമാണ് പിടിയിലായത്. പതിനഞ്ച് ലക്ഷത്തിലധികം വിലവരുന്ന എംഡിഎംഎയുമായി പൊഴിയൂർ വച്ചാണ് ഇവരെ അറസ്റ്റ് ചെയ്തത്.
കൊല്ലം സ്വദേശിനി ഷമി, തിരുവനന്തപുരം സ്വദേശികളായ കല്ഫാന്, ആഷിഖ്, അല് അമീന് എന്നിവരാണ് പിടിയിലായത്. ബെംഗളൂരുവില് നിന്നാണ് ഇവർ എം ഡി എം എ എത്തിച്ചത്. ഇവർ തന്നെ നേരിട്ട് ബെംഗളൂരുവില പോയിട്ടാണ് സാധനം കടത്തികൊണ്ടുവന്നത്. കുടുംബസമേതം വിനോദയാത്ര പോകുന്ന രീതിയിലാണ് ഇവർ യാത്ര ചെയ്തിരുന്നത്.
