തുമ്പ: സെൻ്റ് സേവ്യേഴ്സ് കോളജിലെ ശ്രീ നാരായണഗുരു ഓപ്പൺ യൂണിവേഴ്സിറ്റി ലേണേഴ്സ് സെൻ്ററിൽ 2025 അഡ്മിഷൻ യു.ജി. ,പി.ജി. വിദ്യാർത്ഥികൾക്കായുള്ള ഇൻഡക്ഷൻ പ്രോഗ്രാം സിൻഡിക്കേറ്റംഗം ഡോ. ഉദയകല സി. ഉദ്ഘാടനം ചെയ്തു. സെൻ്റ് സേവ്യേഴ്സ് കോളജ് അക്കാദമിക് ഡയറക്ടർ ഡോ. ഫാ. ഷിബു ജോസഫ് അധ്യക്ഷനായ സമ്മേളനത്തിൽ ലേണേഴ്സ് സെൻ്റർ കോർഡിനേറ്റർ ഡോ. ഫാ. ഡൊമിനിക് ജോസഫ് പി., കോളജ് വൈസ് പ്രിൻസിപ്പൽ ഡോ. രേണുക ഒ , കേരള സർവ്വകലാശാല സിൻഡിക്കറ്റ് അംഗം ഡോ. ലെനിൻലാൽ എന്നിവർ പ്രസംഗിച്ചു.
ഡോ.ജാൻ എലിസബത്ത് ജോസഫ് ഓറിയൻ്റേഷൻ ക്ലാസെടുത്തു. യൂണിവേഴ്സിറ്റിയുടെ ഒരു ലേണർ സപ്പോർട്ട് സെൻ്റർ എന്ന നിലയിൽ BA ഇംഗ്ലീഷ്, മലയാളം, ഹിസ്റ്ററി, സോഷ്യോളജി, പോളിറ്റിക്കൽ സയൻസ്, ബി. കോം എന്ന വിഷയങ്ങളിലും MA ഇംഗ്ലീഷ്, മലയാളം, പോളിറ്റിക്കൽ സയൻസ്, സോഷ്യോളജി, ഹിസ്റ്ററി, ഇക്കണോമിക്സ്, പബ്ലിക് അഡ്മിനിസ്ട്രേഷൻ, എം. കോം എന്ന കോഴ്സുകളിലും ഉപരിപഠനത്തിന് സെൻററിൽ വിദ്യാർത്ഥികൾ ചേർന്നിട്ടുണ്ട്.
