തിരുവനന്തപുരം: കഴക്കൂട്ടത്ത് ഐടി ജീവനക്കാരിയെ ഹോസ്റ്റൽ മുറിയിൽ കയറി പീഡിപ്പിച്ച സംഭവത്തിൽ കൂടുതൽ വിവരങ്ങൾ പുറത്ത്. പീഡനത്തിന് ശേഷം പ്രതി ബെഞ്ചമിന് ലോറിയില് കിടന്നുറങ്ങിയ ശേഷമാണ് തിരികെപ്പോയതെന്ന് പോലീസിന് മൊഴി നല്കി.
പീഡനത്തിന് ശേഷം പ്രതി തലസ്ഥാനത്ത് മണിക്കൂറുകളോളം തുടര്ന്നുവെന്നും രാവിലെ 10 മണിക്കും പ്രതി കടന്നുപോകുന്ന ദൃശ്യങ്ങള് ലഭിച്ചുവെന്നും പോലീസ് അറിയിച്ചു. പീഡനത്തിനിടെ യുവതിയെ കൊല്ലുമെന്ന് ഭീഷണിപ്പെടുത്തിയതായും ഇയാള് സമ്മതിച്ചിട്ടുണ്ട്.മദ്യലഹരിയിലായിരുന്നു പ്രതി.
അതേസമയം സിസിടിവിയില് വരാതിരിക്കാന് ഒരു വീട്ടില് നിന്ന് കുട എടുത്ത് മുഖം മറച്ച് ഹോസ്റ്റലില് കയറുകയായിരുന്നു. ബെഞ്ചമിന് ഹോസ്റ്റലില് കയറും മുന്പ് സമീപത്തെ മൂന്ന് വീടുകളില് മോഷണശ്രമം നടത്തിയെന്നും പൊലീസ് പറഞ്ഞു. തെരുവില് ഉറങ്ങുന്ന സ്ത്രീകളെ ഉപദ്രവിക്കുന്നത് ഇയാളുടെ സ്ഥിരം രീതിയാണെന്നും പൊലീസ് പറഞ്ഞു.
