തിരുവനന്തപുരം: തിരുവനന്തപുരം മെഡിക്കല് കോളജില് അനാസ്ഥയെന്ന് പരാതി. തിരുവനന്തപുരം മെഡിക്കല് കോളജിലെ അനാസ്ഥയില് രോഗിക്ക് ജീവന് നഷ്ടമായെന്നാണ് പരാതിയിൽ പറയുന്നത്. കൊല്ലം പന്മന സ്വദേശി വേണു (48) ആണ് ഇന്നലെ മരിച്ചത്.
വേണു മരിക്കുന്നതു മണിക്കൂറുകൾക്ക് മുൻപ് സുഹൃത്തിന് അയച്ച ശബ്ദ സന്ദേശത്തിലാണ് വേണു ദുരനുഭവം പറഞ്ഞത്. പന്മന സ്വദേശി വേണുവിന് അടിയന്തര ആന്ജിയോഗ്രാമിന് നിര്ദേശിച്ചിട്ടും ആറ് ദിവസമായിട്ടും പരിശോധന നടത്തിയില്ലെന്നാണ് പരാതിയിൽ പറയുന്നത്.
വേണുവിന് ആവശ്യമായ ചികിത്സ നൽകിയില്ലെന്ന് കുടുംബം ആരോപിക്കുന്നു. താൻ മരിച്ചാൽ അതിന് കാരണം ആശുപത്രിയുടെ അനാസ്ഥയാണെന്ന് വേണു പറയുന്ന ശബ്ദ സന്ദേശം പുറത്തുവന്നു. നായയെ നോക്കുന്ന കണ്ണ് കൊണ്ടുപോലും മെഡിക്കൽ കോളേജിൽ രോഗികളെ തിരിഞ്ഞു നോക്കുന്നില്ലെന്നാണ് വേണു സുഹൃത്തിനയച്ച ശബ്ദ സന്ദേശത്തിൽ പറയുന്നത്.
ആന്ജിയോഗ്രാം ചെയ്യുന്നതിനായായിരുന്നു വേണു തിരുവനന്തപുരം മെഡിക്കല് കോളേജ് ആശുപത്രിയിലെത്തിയത്. എന്നാല് ആരും തിരിഞ്ഞുനോക്കിയില്ലെന്ന് വേണു ശബ്ദസന്ദേശത്തില് പറയുന്നുണ്ട്. ഇന്നലെ രാത്രിയാണ് ഹൃദയാഘാതത്തെ തുടര്ന്ന് വേണു മരിച്ചത്.
