തിരുവനന്തപുരം: തിരുവനന്തപുരത്ത് 9 വയസ്സുകാരനെ അതിക്രൂരമായി പ്രകൃതിവിരുദ്ധ പീഡനത്തിന് ഇരയാക്കിയ പ്രതി പിടിയിൽ അണ്ടൂർക്കോണം സ്വദേശിയായ ഗോകുൽ (33)ആണ് പോത്തൻകോട് പോലീസിന്റെ പിടിയിലായത്. ഇയാളെ പോക്സോ കുറ്റം ചുമത്തിയാണ് അറസ്റ്റ് ചെയ്തത്.
ഗോകുൽ കുട്ടിയെ തുടർച്ചയായി കുട്ടിയെ പ്രകൃതിവിരുദ്ധ പീഡനത്തിന് ഇരയാക്കിയെന്നും പുറത്തുപറഞ്ഞാൽ കൊന്നു കളയുമെന്ന് ഭീഷണിപ്പെടുത്തുകയും ചെയ്തുവെന്നാണ് പരാതിയിൽ പറയുന്നത്. സംഭവശേഷം കുട്ടി രാത്രി ഭയന്നാണ് രാത്രിയിൽ കിടന്നു ഉറങ്ങിയിരുന്നത്. കുട്ടിയുടെ സ്വഭാവത്തിൽ ഉണ്ടായ മാറ്റം കാരണം രക്ഷിതാക്കൾ കുട്ടിക്ക് കൗൺസിലിങ് നൽകിയിരുന്നു.
അപ്പോഴാണ് കുട്ടി പീഡന വിവരം പുറത്തുപറയുന്നത്. തുടർന്നാണ് രക്ഷിതാക്കൾ പോലീസിൽ പരാതി നൽകിയത്. ഫുട്ബോൾ കളിക്കുന്ന ഗ്രൗണ്ടിൽ നിന്നും പ്രതിയായ ഗോകുൽ കുട്ടിയെ കൂട്ടിക്കൊണ്ടു പോയതായി കുട്ടിയുടെ സഹോദരനും പോലീസിന് മൊഴി നൽകി. തുടർന്നാണ് പ്രതിയെ പോലീസ് പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു
