കൊച്ചി: സംവിധായകന് രഞ്ജിത്തിനെതിരായ ലൈംഗികാതിക്രമ കേസില് എസ്ഐടി അന്വേഷണം പൂര്ത്തിയായി. രഞ്ജിത്തിനെതിരെ തെളിവുകള് ലഭിച്ചെന്ന് പ്രത്യേക അന്വേഷണസംഘം അറിയിച്ചു. കുറ്റപത്രം ഉടൻ സമർപ്പിക്കും.
ലൈംഗിക അതിക്രമത്തിന് തെളിവുണ്ടെന്നാണ് എസ്ഐടിയുടെ കണ്ടെത്തൽ. എന്നാൽ കേസില് കൂടുതല് വകുപ്പുകള് ഉള്പ്പെടുത്തില്ല. അതേസമയം നടന് ബോബി കുര്യനും സഹ സംവിധായക ശാലിനിക്കും അന്വേഷണസംഘം ക്ലീന് ചിറ്റും നല്കി. രഞ്ജിത്തിനെ ഒളിവില് പോകാന് നടന് ബോബി കുര്യന് സഹായിച്ചതിനു തെളിവുകള് ലഭിച്ചിട്ടില്ല എന്നും അന്വേഷണസംഘം അറിയിച്ചു.
മാത്രമല്ല ലൈംഗിക അതിക്രമ കേസില് രഞ്ജിത്തിനെതിരെ തെളിവുകളുണ്ടെങ്കിലും രഞ്ജിത്ത് അതിജീവിതയെ ഭീഷണിപ്പെടുത്തിയെന്നത് തെളിയിക്കുന്ന വിവരങ്ങളൊന്നും അന്വേഷണസംഘത്തിന് ലഭിച്ചിട്ടില്ല. എന്നാൽ കേസിന് മുൻപ് ചില ഒത്തുതീർപ്പ് ശ്രമങ്ങൾ നടന്നതായി വിവരമുണ്ട്. സിനിമാ ലൊക്കേഷനിൽ വെച്ച് പീഡിപ്പിക്കാൻ ശ്രമിച്ചുവെന്ന രഞ്ജിത്തിന്റെ പുതിയ സിനിമയിൽ അഭിനയിക്കുന്ന നടിയുടെ പരാതിയിലാണ് രഞ്ജിത്തിനെ അറസ്റ്റ് ചെയ്തത്.
